Góða kvöldið :)
Ég þarf stundum að stilla mig um að dásama Reiki ekki um of því þá trúir fólk mér varla.
Mín saga með Reiki byrjaði fyrir 17 árum.
Eftir ansi stormasaman tíma í lífi mínu var ég að vinna í rækjuvinnslu á Blönduósi í sumarfríi frá skólanum mínum.
Ég sá auglýsingu í Bæjarblaðinu sem hafði stórum stöfum auglýst REIKI námskeið.
ég hringdi og spurðist fyrir og var nú frekar vantrúuð og eiginlega bara fannst þetta fáránlegt að þetta væri eitthvað sem ætti að vera mögulegt og til.
Það sem kannski þarf að taka fram er að fólk og þá sérstaklega ungt fólk sem er andlega opið upplifir tilfinningar annara og atburði i kringum sig miklu sterkar en aðrir.
tekur meira inn á sig og verður í raun að hafa ansi sterkan skráp eða geta aðskilið eigin tilfinningar frá öðrum. Samhyggðin er það mikil.
Oft er opið fólk eftir því sem ég hef séð og skynjað með fínlegri orku..sem á auðveldara með að blandast orku annara.
Það er mín skoðun að til þess að einstaklingi geti liðið vel þarf hann eða hún að hafa skýra jákvæða mynd af sjálfum sér óháð tilfinningum annara.
þetta svo kallaða persónulega pláss (personal space) fyrir hugsanir okkar langanir tilfinningar.
Og þá er ég alls ekki að segja að við ættum ekki að deila með öðrum. Við þurfum bara okkar pláss með okkur án þess að stjórnast af meðvirkni.
Kynnast okkur til að við vitum á hvaða grunni við erum að byggja. Hvað er það sem við erum að deila með öðrum?
En hvernig tengist þetta Reiki ?
Ég tek það í raun sem sjálfsagðan hlut í dag að ég geti alltaf látið mér líða betur, ég fái alltaf aðstoð ef mig vantar lausn og ég geti alltaf lokað sári ef mig eða aðra blæðir.
Þetta er svona einfalt.
Og ég hef endalausan aðgang að orku til að byggja mig upp og deila með öðrum sem það vilja.
Eins er ég varin og get varið mig gagnvart neikvæðum áhrifum, Og guð veit engin er fullkominn og síst ég. Er ekkert heilagari eða merkilegri en næsta manneskja.
Ég verð að viðurkenna að ég hefði viljað hafa fleiri tækifæri til að gefa fólki Reiki á hin hefðbundna hátt. Á bekk með undir teppi með góðri hugleiðslu tónlist en á móti er ég ekki vön að fara hefðbundnar leiðir að neinu og gott að þekkja bæði.
Sjáið til..það er jákvætt í öllu alveg sama hvað það er.
Það er altaf lærdómur og tilgangur en undir okkur sjálfum komið að þekkja takmörk okkar og takmarkaleysi.
Það er hellingur af sorglegum hlutum sem gerast í heiminum en hamingja skal ekki metin í aur eða tíma heldur í þeim kærleika sem hvert augnablik gefur þér
Óháð kyni, trúarbrögðum, samfélagshóp, flokkum eða landi.