Færslur: 2011 September

27.09.2011 00:14

Reiki 1 námskeið í Október

Reiki námskeið 1 stig verður Helgina 7 til 9 okt.
Þeir sem hafa áhuga á að kynna sér málið frekar eða taka þátt er velkomið að hafa samband í tölvupósti í reiki@simnet.is eða bara í síma 8673647

Þegar farið er á 1 stig í reikiheilun þá er opnað fyrir þann möguleika að heila sig sjálfur,og að aðrir geti dregið orku í gegnum okkur. Það er ansi magnað að hafa aðgang að allri þeirri alheimsorku sem líkami okkar og sál gæti hugsanlega vantað.

Heilun er í raun að gera heilt það sem hefur vegna álags eða annara orsaka hefur ekki náð að vera heilt og heilun fer fram á þann hátt að viðtakandi eða við sjálf drögum alheimsorkuna okkur til heilunar.

Það gengur allt fyrir orku alveg sama hvað það er. Það er einnig allt samansett úr orku. Með því að sækja okkur alheimsorku getum við hjálpað okkur sjálfum og öðrum sem það vilja að verða heil.

Stór orð ég veit það.

Ég hef lifað með Reiki í 17 ár og þessi leið hefur aðstoðað mig við að vinna úr ótrúlegustu hlutum og komið jafnvægi á tilfinningar mínar og líkama við ótrúlegustu aðstæður en lika bara við þetta daglega.

Reiki er hluti af mínu daglega lífi. Bara til dæmis ef ég fæ blóðnasir eins og gerðist í gær upp úr þurru var nóg að setja hendur yfir nefið á mér og það hætti að blæða innan 2 mín án þess að ég væri með bómul í nefinu.

Lagt hendur á hjartastöðina ef ég er eitthvað down eða rótarstöðina við túrverkjum. Og eins að það sé ekki dregin frá manni eigin orka.

Þetta er í raun bara brot af möguleikunum og þegar opnað hefur fyrir aðgang að reiki orkunni er hann alltaf til staðar.

Og þú sem ert búin að taka reiki eitt og jafnvel tvö en ert ekki að nota reiki reglulega fyrir sjálfa þig, þá er kominn tími á það :0)

Það er engin ástæða fyrir því að við getum ekki unnið úr gömlum sárum og liðið vel með okkur sjálf.

Ef þetta er eitthvað sem þú hefðir áhuga á að kynnast þá er bara að setja sig í sambandi við mig.

Um er að ræða helgarnámskeið og það er skyldumæting á alla dagana reikna skal með fullum laugardegi og sunnudegi frá kl10 til 16

Námskeiðið kostar 10.000 kr. og er takmarkaður fjöldi til að byrja með.

Hver er tilfinninginn þegar þú lest orðið REIKI HEILUN tókstu smá kipp.. kannski er þetta hintið þitt að þú sért kominn á þann stað í lífinu að þetta sé næsta skrefið fram á við.

Hafðu það gott :)

Þeir sem vilja prófa að koma í reiki en ekki á námskeið geta pantað tíma hjá mér.

með reiki getum við :

                      Losað okkur við streitu,                                      
  • ·Losað okkur við verki,
  • ·Losað okkur við sjúkdóma,
  • ·Losað okkur við hræðslu,
  • ·Losað okkur við kvíða
  • ·Aukið innsæi okkar og næmi
  • ·Komið jafnvægi á orkustöðvarnar
  • ·Komið jafnvægi á innkirtla starfsemina,
  • ·Öðlast sjálfsöryggi,
  • ·Öðlast innri ró,
  • ·Aukið umburðarlyndi okkar


    Reiki 1 er fyrir fólk á öllum aldri og gerir til dæmis unglingum mjög gott eins og öllum öðrum.

    Ég gæti talað endalaust um Reiki og hversu gott það gerir en ætla að láta staðar numið og leyfa þér sem ert að lesa þetta að melta aðeins upplýsingarnar og ákveða hvort þinn tími sé kominn.

    Góða framtíð :)

    kveðja

    Hólmfríður Ásta


  • 21.09.2011 21:55

    Veturinn er Tíminn

    Jæja þá er loksins farið að dimma ..læðist upp að manni óvitandi en það leynir sér samt sem áður ekki.

    Það er búið að vera óvenju heitt haust og það heldur áfram. þetta er skrítinn vetur sem er framundan. Á meðan við heyrum af slæmum veðrum erlendis þá  er hér rigning vindur og blíða. Hitinn ætlar að halda áfram að vera nokkuð hár og það er ekki óvinsælt. Mikið vona ég að fólk noti þetta skammdegi sem ætlar að verða samt soldið hlýtt og hafi kósí tíma með sínum nánustu úti við.

    Við eigum soldið erfitt með okkur á þessum tíma þegar sólinn og D vítamínið sem fylgir henni fyllir okkur ekki lengur af orku allan sólahringinn. Tökum lýsi og höldum orku okkar uppi, ekki skemmir að taka jafnvel auka D vítamín.

    firðirnir verða óvenju snjólausir þennan vetur, og lengi verður hægt að fara upp á hálendi án þess að finna fyrir að það sé kominn vetur.

    Eitthvað verður í fréttum að jeppi eða fjallabíll lendir í háska vegna íss sem er að liðast í sundur eða hreinlega ekki nógu frosinn.

    Einhver gleðileg frétt kemur varðandi Gamla konu sem annað hvort vinnur lottóvinning eða gerir stærðar afrek sem vekur upp kærleiksorkuna.

    Við eigum eftir að fá helling af fréttum frá evrópu varðandi það til dæmis að Grikkir ákveði að gefa skít í evrópusambandi og láta sig hverfa þaðan. stjórninn vill vera inni en það verður hálfgerð bylting.. það sem hefur verið mótmælt í dag er ekkert á móti því sem koma skal. Það logar allt.

    Við íslendingar höfum það ósköp gott og á meðan við höldum þessu.."þetta reddast" " ég get allt " og "ég er bestur" viðhorfi þá eru engar hindranir annað en smá lærdóms póstur og egó stoppari.

    Við erum búin að taka út hrunið en evrópa er að blæða. Það verða mótmæli í þýskalandi á þinginu. Það eru ekki allir í þýskalandi sáttir við að þýskaland þurfi að bera í auknu mæli birðar fyrir óreiðu annara evrópulanda. Angela Merkel nær að bjarga sér en hennar stöðu verður virkilega hrist upp í.


    Við eigum framundan ósköp veðursælan vetur og góðan. Menning blómstrar og við erum alltaf að frétta meira og meira af íslendingum sem eru að spjara sig vel á sviði lista erlendis.

    Stundum er erfitt að vera bjartsýn.. og auðvelt er að sökkva sér í þá hugsun að aldrei verði neitt betra, að maður sé endalaust blankur og maður eigi aldrei pening..að þetta og hitt kosti of mikið.

    Eigum við ekki bara að slá þessu upp í kæruleysi og vera bjartsýn :) Það er nokkuð ljóst að það er til fólk í heiminum sem hefur það miklu verr en við og ef okkur langar að vera á einhverjum ákveðnum stað þá er bara að stefna þangað. Það er ekkert of erfitt ef þig langar raunverulega að komast þangað. Veistu hvað þú raunverulega vilt?

    Ég hef ekki verið mikið að spá að undanförnu, Það hafa hreinlega aðrir hlutir átt huga minn og Ég hreinlega þurft smá pásu.

    Ég lauk þeim áfanga að geta kennt öðrum reiki sem ég vona að ég nái að gera í sem mestu mæli.

    Ég var að klára að lesa the secret í gær og er búin að lesa hana með nokkrum hléum. Þessi bók kom vel inn á punkta sem ég svo sem vissi alveg eins og sjálfsagt margir aðrir en gott að fá stafað ofan í mann.

    Það eru til milljón afsakanir fyrir því afhverju okkur líður eins og okkur líður eða afhverju við erum í þeirri stöðu sem við erum hver sem hún svo er.. en eins´og ég hef sjálfsagt sagt áður.. þetta er allt okkar eigin ábyrgð. Verum meðvituð um að vera jákvæð, bjartsýn, lausnahugsuð, horfum á hálf fulla glasið í stað þess tóma og virðum rétt annara til að vera þeir sjálfir alveg eins og við viljum að okkar réttur er virtur.

    Elskum okkur og njótum okkar deilum með öðrum kærleiknum og gleðinni sem hvert augnablik gefur möguleika til .

    Það er alltaf val.

    lifðu í lukku en ekki í krukku
    • 1

    Eldra efni

    Flokkar:

    Flettingar í dag: 1
    Gestir í dag: 1
    Flettingar í gær: 115
    Gestir í gær: 25
    Samtals flettingar: 322692
    Samtals gestir: 81329
    Tölur uppfærðar: 15.12.2017 00:21:33

    Láttu spá fyrir þér í gegnum Svarbox


    Greiðsla eftir að spjall hefst. 

    Millifærslu upplýsingar fást í gegnum svarboxið.

    Kostar ekkert að prufa.